LEGAZPI CITY- (Update) Pormal nang naisangat an kasong murder sa suspek sa panggagadan sa sarong negosyante kan Brgy. Panique, banwaan kan Aroroy, Masbate makalihis an walong bulan na paghahalat kan pamilya kaini nin hustisya.
Kan Oktubre 7 pa kan nakaaging taon kan pagbabadilon si Gerry Datiles, 53-anyos kaibanan an mga trabahante kaining sinda Antonio Bangalisan asin Rudy Rala mientras na nagkokonstruir nin kudal na barbed wire sa pagsadiring daga kan nasabing negosyante.
Nabisto an suspetsado na si Lito Buevos, 38-anyos na hinaleng miembro kan Philippine Army.
Segun sa imbestigasyonkan mga otoridad, iwal sa daga an nagbusol digdi tangarig na pauranan nin bala gikan sa kalibre 45 na badil an mga nasabing biktima.
Alagad sa ngonian bako pa enterong nakakamit kan pamilya an hustisya huli ta mantenidong at large an suspek asin padagos pang pighahanap kan mga personahes kan Aroroy Municipal Police.
