Legazpi City- Pormal nang nasampahan nin kaso an suspek sa panggagadan sa sarong daragita sa cuidad kan Tabaco na nangyari kan nakalihis na Hunyo 23, 2025 sa barangay Pawa, Tabaco City.
Sa intrevista kan Bombo Radyo Legazpi kay PSSg. Elaine Adriano, an tagapagtaram kan Tabaco City Police Station, isinunad na sa suspek an kasong homicide makalihis kaining gadanon an suboot nobya kaini asin ilubong sa sarong compound sa Barangay Pawa Tabaco, City.
Napag-araman na hale sa kasong Murder ay ibinababa an kaso kan suspek sa Homicide huli sa paagi kan inquest proceeding asin base na man sa mga nakalap na ebidensya.
Mientras tanto inasigurar man kan Tabaco CPS na padagos man an saindang pinagsasagibong imbestigasyon manungod sa insidente para maitao sa pamilya asin sa biktima an hustisya huli sa nangyaring panggagadan.
