LEGAZPI CITY-Nabisto bilang sarong paratukdo an suspek sa pambabadil sa White House Correspondents Association (WHCA) dinner event sa Estados Unidos kun sain inatendiran ini ni US President Donald Trump asin iba pang haralangkaw na opisyales.
Segun kay Bombo International Correspondent in USA Marissa Pascual, na saro ining 31-anyos na paratukdo gikan sa Florence, California na may bitbit na shotgun asin mga kutsilyo.
Dagdag pa ni Pascual na kwesyunable sa ngonian kun papano nakalaog sa nabanggit na dakulang event an suspek, mantang strikto an seguridad sa lugar.
Mientras tanto, kinumpirma man niya na sarong service agent an natamaan asin nakaligtas gamit an sulot kaining bulletproof vest.
Sa presente nagsasagibo na nin pag-review sa mga detalye sa gabos na area sa pinangyarihan kan pambabadil.
Padagos man an pagtutok kan mga otoridad sa imbestigasyon asin sa pag-aram kun may nasa likod pa kan insidente afuera sa nadakop na suspek.
