LEGAZPI CITY- Marikas na naarestar kan mga kapulisan sarong suspek sa pambabadil sa sarong paraoma sa Barangay Gaba, Rapu-Rapu, Albay.
Basado sa impormasyon kan Rapu-Rapu Municipal Police Station, napag-araman na sarong 70-anyos na paraoma an binadil kan suspek na si alyas ‘Eddie’ gamit an sarong improvised marble gun.
Nag-ugat an insidente sa pagkakaigwa nin argumento kan duwa mantang nag-aani nin niyog.
Makalihis na maresibe an report, tulos man na nagrespunde an mga kapulisan asin nadakop an suspek makalihis an nagkapirang oras.
Na-recover man an ginamit na improvised na badil.
An suspek an mahahampang sa kasong Frustrated Homicide asin pagbayolar sa Republic Act 10591 o Comprehensive Firearms and Ammunition Regulation Act.
Sa presente nagpaparahay na man an biktima.
