LEGAZPI CITY — Pinaghahanap na ngunyan kan Aroroy Municipal Police an suspek sa paggadan kan sarong 83 anyos na paraoma sa Aroroy sa probinsya kan Masbate.
Sa nagunong impormasyon kan Bombo Radyo Legazpi, napag-aramang nagkakaturog an biktimang si Marcelino Danao sa saiyang harong sa Sitio San Jose, Barangay Gumahang kan laugon kan suspek.
Gamit an sarong bareta o crowbar, pinaghahampas kan suspek na si Jenny Balagosa, 37 anyos an biktima sa manlaen-laeng parte kan hawak kaini.
Huli sa tindi kan tama, dae na nagibo pang makasalbar ni Danao mantang tulos man na nagdulag an suspek pasiring sa mabulod na parte kan barangay.
Pig-aaram pa sa ngunyan an motibo sa likod kan nasabing krimen.
Mientras tanto, inihanda naman an kasong murder na isasangat laban sa suspek.
