LEGAZPI CITY- Nakakulong na ngunyan an sarong security guard na pigtutubudang responsable sa pananaksak-gadan sa sarong high school teacher sa Tabaco National High School.
Magigirumduman na tadtad nin saksak kan madukayan sa sadiri kaining harong sa Purok 3, Barangay Baranghawon si Jordan Averilla, 40 anyos.
Mientrastanto, maduon man na pinahimutikan ni Patrick Binias an pagkakaimbwelto kan pangaran sa krimen.
Inagyat pa kaini an mga pulis magin an nagtutukdo saiya na iluwas an mga ebidensyang makakapagpatotoo na igwa syang kinaaraman sa nasambitan na krimen.
Dakula man an pagtubod kaini na maibabasura an reklamo huli ta dae man suboot nin basehan an mga alegasyon kontra saiya.
