LEGAZPI CITY — Nasabat kan mga otoridad an kilo-kilong mga sira na iligal na dinakop sa banwaan kan Aroroy, Masbate.
Binisto an suspek na si Angelo Valenzuela alyas ‘Ilong’, 43 anyos asin residente kan Brgy. Matongog kan nasabing lugar.
Segun sa Aroroy Municipal Police, nakaresibe sinda nin impormasyon na ibabyahe suboot an nasabing mga sira sa pier kun kaya tulos na nagpasiring sa lugar an mga pulis kaibanan an Coastal Resource Management Office (CRMO) kan LGU-Aroroy sa pangengenotan ni Engr. Arthur Merico.
Nakumpiskar sa suspek an nasa 35 kilo nin sira na matambaka na pinagtutubudang dinakop gamit an pampasabog.
Alagad durante kan ipigkondusir na fish landing denial operation, nagibo kan suspek na makadulag.
Sa ngonian, padagos na pighahanap kan mga otoridad an suspek ngane na madakop asin masangatan nin magkakanigong kaso.
