LEGAZPI CITY—Nakatalaang magsunad nin bill ngunyan na aldaw nin Huwebes, Pebrero 12, an grupong Bantay Bigas mapadapit sa support production subsidy kan gobierno para sa mga paraooma sa nacion.
Segun ki Bantay Bigas Spokesperson Cathy Estavillo, sa intrevista kan Bombo Radyo Legazpi, an nasabing bill an pig-aapod na support subsidy for farmers na dae mababa sa P50,000 kada paraooma na kun sain pangengenotan ini kan Makabayan bloc sa Kongreso.
Pagdoon kan opisyal na ini an dapat na itaong subsidiya para sa mga paraooma huli na man kan nagpapadagos na paghalangkaw kan cost of production ninda pag-abot sa saindang mga imported na ekipahe.
Siring man an haros suro-semana na paghalangkaw kan krudo na may epekto man sa gastuson kan mga paraooma.
Nagmamawot an opisyal na suportaran kan dakol na mga paraooma asin iba pang organisayosn nin mga parooma an saindang ipigsagibong mga lakdang.
