LEGAZPI CITY—Ikinamondo kan Masa Sara Duterte Alliance (MASADA) an nagin desisyon kan 13 majority na senador na nagboto na ibaba an voting threshold nganing ma-convict si Vice President Sara Duterte.
Segun ki MASADA Chairman Benito Ranque, sa intrevista kan Bombo Radyo Legazpi, dae sinunod kan 13 senador an probisyon kan Konstitusyon mapadapit sa threshold urog na sa Article 11 na nagsasabing warang conviction pag warang pagtugot kan gabos na miyembro kan Senado.
Mareklamo suboot sinda sa Korte Suprema huli sa sinda an interpreter asin nganing maaraman an kinaaraman kan Konstitusyon sa nasabing voting threshold.
Dae pwedesir na ibaba an threshold na maski nakakulong, naka-leave, o absent an dae na sinda maiintra numero kan borotohan huli sa Senador man giraray sinda sagkod ngonian.
Dugang niya na saro ining taktika sa lado kan prosekusyon nganing ibusol an nasabing ruling nganing magkaigwa nin public opinion.
Mawot suboot kan lado na ma-convict si VP Sara asin huli sa dae maabot an 16 na boto kaya an saindang ginibo an maggibo nin sadiring ley na bawal sa Saligang Batas.
Pagdoon pa ni Ranque na bako sana ini para sa suportadores kan bise presidente kundi para man sa mga Pilipino na maaraman ninda na dae dapat ipagbalgar an Saligang Batas.
Segun saiya na an isyu an bako sa pag-impeach ki VP Sara, kundi kun sinunod kan mga senador an ley.
Mientrastanto, nagtutubod man an opisyal na dae matatapos ini digdi huli sa isasakat pa ninda ini sa Korte Suprema afuera na sana kun makampante ini sa nagin ruling kan Senado.
