LEGAZPI CITY – Warang kuryente ngonian an bilog na provincia kan Masbate makalihis na putulan kan power supplier kaini huli sa suboot unpaid bills kan Masbate Electric Cooperative (MASELCO).
Sa ipinadarang Final Disconnection Notice kan DMCI Masbate Power Corp. (DMPC), nakapalaman an abiso kaini sa MASELCO asin mga konsumidores huli sa daeng pagbabayad kan mga bills na nag-aabot na sa P240 million.
Dae man digdi kasabay an P20 million na ipigremit kan kooperatiba kan Mayo 30.
Dugang pa kan electricty supplier sa provincia na dae sindang naresibe na pusog na commitment sa MASELCO na masi-settle an mga bayadan sa ibong kan dakol na ipinadarang request asin demand letters.
Hagad man kan korporasyon an pag-intindi meintras na inengganyar an mga konsumidores sa preparasyon urog na sa darang inconvenience kan lakdang.
Mientras tanto, sienerto man kan National Electrification Administration (NEA) an tulos na pagbabalik kan supply kun saen ini na an ma-take over sa MASELCO.
