LEGAZPI CITY- Nagkokundusir ngunyan nin inventory an Albay Provincial Veterinary Office sa numero kan mga urig sa provincia.
Ini an sa tahaw kan padagos na paglangkaw kan presyuhan kan buhay na karne asin karneng urig.
Segun ki Albay Provincial Veterinarian Dr. Pancho Mella sa intrevista kan Bombo Radyo Legazpi na sa presente nasa P210 hasta P220 kada kilo an barakalan kan buhay na urig.
Basado man sa monitoring sa nagkapirang merkado publiko, an karneng urig an nagkakawat na sa P340 hasta P350 kada kilo.
Paliwanag kan opisyal na indikasyon ini kan law of supply and demand.
Segun ki Mella na kun mahihiling kan ahensya na nagkukulang an suplay kan karneng urig sa Albay, posibleng magpatabang na an ahensya sa Department of Agriculture ngani na maaksyunan an problema.
