LEGAZPI CITY-867Padagos an paghiro kan Super Typhoon Bavi sa direksyong kanluran-hilagang kanluran harani sa Northern Mariana Islands.
Base sa pinakabagong datos ngonian na aldaw, an sentro kan mata kan bagyo pigkakarkulong nasa 2,215 kilometros sa sirangan kan Southeastern Luzon, asin nagtitinir sa luwas kan Philippine Area of Responsibility (PAR).
An bagyo igwang maximum sustained winds na 205 km/h harani sa sentro, na may pagbugso na maabot sa 250 km/h, mantang naghihiro ini sa rikas na 20 km/h.
Segun sa report, an kusog kan duros poon sa makusog sagkod sa typhoon-force na nag-aabot sa sagkod sa 800 kilometros hale sa sentro.
Mantang wara pang direktang epekto ini sa nacion, mahigot na inaabisuhan an publiko na magtenir na nakaantabay asin magsunod sa mga abiso kan state weather bureau, orog na posibleng magbago an direksyon kaini asin kusog kan bagyo sa mga masunod na aldaw.
