LEGAZPI CITY-Nagpahayag nin reaskiyon an sarong election watchdog manungod sa propwestong “Snap Election” ni Senator Alan Peter Cayetano alagad saro ining grandstanding sa highest order sa posisyon sa gobierno.
Segun kay Kontra Daya Convenor Professor Danilo Arao, sa intrevista kan Bombo Radyo Legazpi na wara sa saligang batas an suboot election na pigsasabi ni Senator Alan Peter Cayetano.
Dagdag pa niya na reminscent ini kan nangyaring Snap Election kan taong 1995 kun sain nagkaigwa nin people power revolution sa pagpapatalsik kay dating Presidente Marcos Sr.
Enkaso suboot na mag-resign an huhulaan an masunod na presidente basado sa order of succession kan mga opisyal sa gobierno.
Sinabi man ni Arao na dapat man na isipon an dynamic kun sain posibleng makuwa nin Cayetano an posisyon sa pagigin Presidente.
Dugang pa niya na saro ining grand standing sa mga pinakahalangkaw na posisyon na aram suboot ni Cayetano na imposibleng mangyari sa legal o political na proseso.
Kaipuhan suboot nin ley na may concurrence sa senado asin sa kamara de representantes o kaipuhan na ma-justify an pagpahalipot kan termino kan presidente asin mga opisyal kan gobierno.
Mientrastanto, sinabi pa kan opisyal katakod kan people power kan nakalihis na administrasyon ni dating Presidente Ferdinand Marcos Senior na wara man sa saligang batas an people power revolution alagad saro ining extra-legal na mas halangkaw pa sa nakasurat sa ley huli sa taumbayan na an naghiro digdi.
Kun kaya, sinabi pa kan opisyal an naghihiro ngonian an mga nasa posisyon ngani dai magkaigwa nin posibleng people power revolution alagad ipigsuhestyon na sana an “snap election” huli sa kadakol an may interes asin mawot na mamantenir an saindang mga posisyon sa gobierno.
