LEGAZPI CITY- Tinawan duon ni Bicol Regional Peace and Order Council chairman asin Legazpi City Mayor Noel Rosal na dae makaka apektar an pagpapatalsik ki Secretary Ismael Sueno bilang sekretaryo kan Department of Interior and Local Government (DILG) sa mga programang sa mga programang ipigpapaotob kan gobyerno urog na sa kampanya kontra iligal na droga.
Segun sa alkalde, magpapadagos man giraray an mga ipigkokundusir na proyekto kan gobyerno sa irarom kan ahensya urog nang paparani na suboot an trayumpo kan war on drugs.
Sa presente pigtatawan nin atensyon kan mga local government units an pagtabang sa Philippine National Police, Department of Health asin iba pang organisasyon an assessment asin rehabilitation sa mga drug surrenders.
Mientrastanto, aminado man si Rosal na dakol na good things na nagibo an napatalsik na opisyal para sa pinamayuhan na organisasyon.
