LEGAZPI CITY-Hinatulang guilty kan International Criminal Court (ICC) si Ali Muhammad Ali Abd-Al-Rahman o mas bisto sa 27 kaso kan war crimes asin crimes against humanity kasunod kan mahewas na dahas sa Darfur, Sudan poon Agosto 2003 hasta Abril 2004.
Si Kushayb an dating opisyal kan Janjaweed, na sarong grupong pigsusuportaran kan gobierno kan Sudan na bistong imbuelto sa brutal na kampanya laban sa mga rebeldeng grupo sa Darfur.
An giyera nagpoon kan taong 2003 kan mag-alyansa an mga grupong etnikong African laban sa Arab-dominated na gobierno sa Khartoum.
Bilang tugon, inilunsar kan gobierno an sarong scorched-earth campaign na kinabibilangan kan aerial bombings asin pag-atake kan Janjaweed sa mga komunidad.
Segun sa International Criminal Court, si Kushayb an dai nagsugo kan mga pag-atake kundi an personal na nakiiba sa mga paggadan, panlulugo, asin pag-torture.
Kairiba sa mga krimen na sinangat saiya an murder, rape, torture, persecution, asin forcible transfer of population.
Ini an enot na hatol kan International Criminal Court kasunod kan Darfur conflict asin an enot na conviction para sa gender-based persecution sa historya kan korte.
Pignegaran man kan ICC an depensa ni Kushayb na “mistaken identity”.
An hatol an ibinababa sa panahon kun sain naglala giraray an dahas sa Sudan, partikular sa Darfur, huli sa sagupaan kan Sudanese Army asin Rapid Support Forces (RSF), n asarong grupong sa Janjaweed.
