Hinatulan kan ng Oslo District Court si Marius Borg Høiby, stepson ni Crown Prince Haakon kan Norway, nin apat na taong pagkakakulong makalihis mapatunayang guilty sa kasong rape, domestic violence, asin iba pang krimen.
Sa desisyong iniluwas kan Lunes makalihos an pitong semanang paglilitis, napatunayang guilty si Høiby sa 34 na 40 kaso laban saiya, kabale an duwang kaso nin rape asin pirang insidente kan pangungulog sa dating ilusyon.
Saro sa mga kaso kan rape an nangyari suboot sa basement kan istaran kan Crown Prince.
Segun sa korte, dae nakapagtaram o nakalaban ang saro sa mga biktima huli sa saiyang kondisyon kan mangyari ang insidente.
Afuera sa panglulugos asin pangungulog, napatunayang guilty man si Høiby sa drug possession asin distribution, pati na man sa pagbalgar sa restraining orders asin iba pang kaso.Siring man siya an na-acquit sa duwang iba pang rape charges.
Sa paglilitis, nagluwas an mga ebidensya kabale an electronic messages, video recordings, asin testimonya na nag-uugnay saiya sa paggamit nin droga asin marahas na pag-uugali.
Balak man i-apela kan kampo ni Høiby an desisyon kan korte.
Segun sa prosekusyon, ang kaso an patunay na warang sisay man, anumang an katindogan sa komunidad, an nakalalampas sa ley.
Dae na nagtao nin pahayag ang Norwegian royal household asin sinabi nindang kapot na kan korte an kaso.
Si Høiby an warang opisyal na titulo o mandato sa royal family, alagad an kaso an nagkawsa nin dakulang kontrobersiya sa Norway asin nakaapektar sa imahe kan Royal family.
