LEGAZPI CITY- Padagos na nakabantay an state weather bureau sa mga posibleng magin pagbabago pa kan hiro kan bagyong Wilma.
Segun ki Weather Specialist Ruth Pacala sa intrevista kan Bombo Radyo Legazpi na padagos na nakaka apektar sa dakulang parte kan rehiyong Bicol an nasabing raot nin panahon asin an shear line.
Pinagkakarkulo na sa aldaw kan Domingo, malaog an raot nin panahon sa parte kan Panay Island.
Posible man na magluwas sa Philippine Area of Responsibility an nasabing bagyo sa aldaw nin Martes.
Marurumduman na sa presente, nakataas an heavy rainfall warning sa Kabikolan.
Katakod kaini, nagpagirumdom an opisyal sa publiko na magtenir na naka alerto sa kamugtakan kan panahon.
