LEGAZPI CITY – Pinadali na kan Social Security System (SSS) an aplikasyon kan salary loan na pwedeng ma-avail online.
Parte suboot ini kan promesang magin accessible an pag-ako kan nasabing aplikasyon maski sainman asin maski nuarin.
Sa intrevista kan Bombo Radyo Legazpi ki SSS Legazpi Branch communication officer Jeanette Mapa, kaipuhan sanang magrehistro asin mag-apply sa paagi kan online facility na My.SSS tangarig na maka-avail kan loan.
En caso mag-apply kaini, tulos na makakaresibe nin kumpirmasyon an aplikante kun aprubado o dae an loan privilege sa paagi nin text o email.
Napag-araman na an salary loan an saro sa mga pinakapopular na programa kan SSS kaya napagdesisyunan na i-enhance an features tangarig na ma-maximize kan mga ma-avail an saindang oras mantang naghahalat sa loan approval mantang hassle-free naman suboot ini.
Tangarig na magkwalipika sa loan, dapat na mas hibaba sa 65-anyos an edad kan miembro sa oras kan aplikasyon, dae pa natawanan nin final benefit siring kan permanent disability, retirement o pagkagadan asin dae naimbwelto sa anumang lakdang nin panloloko kontra sa SSS.
Susog an nasabing kasuguan sa SSS Circular 2019-14 na inaprubahan kan Social Security Commission (SSC).
Afuera sa nasabing anunsyo, napag-araman na naglaog naman an 13th month pension kan Disyembre 6 para sa mga pensioners.
