LEGAZPI CITY- Ipinaliwanag kan Social Security System an mga proseso asin polisiya para sa pigo-ofresir na emergency loan program.
Ini an kasunod man liwat kan naga-iral na national state of calamity na enot na ipigdeklarar ni Presidente Ferdinand Marcos Jr. kan nakalihis na taon.
Segun ki SSS Legazpi Spokesperson Jeanette Mapa sa intrevista kan Bombo Radyo Legazpi na an nasabing loan an tabang pinansyal para sa mga miyembro kaini sa paagi kan ipinaluwas na presidential proclamation.
Paliwanag kan opisyal na sa paagi kan emergency loan program, mas magigin marikas asin magaan an proseso.
Sa irarom kaini, magkakaigwa nin anom na bulan na amortization.
Magigin online man an aplikasyon sa paagi kan SSS website o SSS application.
Napag-araman na kun an sarong miyembro an igwang eksistidong calamity loan o salary loan, ibabawas ini sa mari-release na kantidad sa irarom kan emergency loan program.
Alagad aminado si Mapa na igwa man liwat na mga miyembro na bako pamilyar sa online process kaya bukas an mga opisina kan ahensya ngani na mag-facilitate sa mga miyembro.
