Sienerto ni House Speaker Martin Romualdez na dae ninda tutugutan asin kukunsintihon an anumang korapsyon sa House of Representatives.
Simbag ini ni Romualdez sa pangapudan kan mga business leaders asin civil society nganing tapuson na an korapsyon sa gobyerno.
Pagdoon kan opisyal na saiyang pigrespeto an pangapudan kan business community asin civil society na tapuson na an korapsyon sa gobierno asin balido man an saindang mga pigkahadit.
Kinondena kan business community an talamak na korapsyon sa gobyerno partikularmente sa Department of Public Works and Highways.
Pagsierto ni Romualdez na dae niya kukunsintihon an ano man na salang gibo sa anumang ahensya kan gobierno.
Ipighayag man kan opisyal na gabos nin mga alegasyon mapadapit sa mga anomalya an saindang iimbestigaran.
Ipigmalaki kan Speaker na ngunyan na 20th Congress may mga ipinaotob nin reporma an Kamara sa budget process nganing mamantenir an tiwala kan publiko.
Nganing mamantenir an transparency sa budget hearings asin bicameral deliberations na bukas na ngunyan sa publiko.
Sienerto man ni Speaker Romualdez na isasairarom ninda sa mahigot na pagsusuri an lump-sum asin unprogrammed appropriations.
