Sinunadan nin patung-patong na criminal asin graft complaints sinda House Speaker Martin Romualdez asin iba pang opisyal kan Kamara de Representante.
Nagsunad nin reklamo sa Office of the Ombudsman sinda dating House Speaker Pantaleon “Bebot” Alvarez, Atty. Ferdinand Topacio, Atty. Jimmy Bondoc asin Atty. Raul Lambino.
Ini an katakod kan pigku-kwestyon na P241 billion insertions sa 2025 national budget.
Afuera ki Romualdez, kaibanan pa sa mga kinasuhan sinda House Majority Leader Manuel Jose Dalipe, dating House appropriations committee chairperson asin Ako Bicol Party-list Representative Zaldy Co siring man si Acting appropriations committee chair Marikina 2nd District Rep. Stella Quimbo.
Marurumduman na kan nakalihis na bulan, ipigpetisyon ninda dating executive secretary Vic Rodriguez asin Rep. Isidro Ungab sa Korte Suprema na ipawarang bisa an 2025 General Appropriations Act makalihis suboot na madiskubre an blangkong items sa bicameral conference committee report kan budget na nagkakantidad nin P100 billion.
