Ipinahayag ni House Speaker Faustino “Bojie” Dy III na “all hands on deck” ang gobyerno mantang marikas na pigtutugunan kan Kamara an propwestong ley na matugot sa paramientras na suspensyon kan mandatory biofuel blending makalihis ining ideklara ni Presidente Ferdinand Marcos Jr bilang urgent.
An House Bill 8469 o Oil Price Stabilization Act an matao sa Presidente nin kapangyarihang paramientras na ipapundo an biofuel blending kapag ang presyo kan blended fuel an labi sa lima porsiyento kaysa sa purong gasolina o diesel, nganing mapababa an presyo sa mga pump.
Segun ki Speaker Dy, ang sertipikasyon kan Presidente an nagpapahiling nin tulos na pangangaipuhan na protehiran an Pilipino laban sa paghalangkaw kan presyo kan krudo urog na sa tahaw kan krisis sa Gitnang Silangan.
An propwesto an obhetong amyendahan ang Section 5 kan Biofuels Act of 2006 asin tugutan an Presidente na suspendihon an paggamit kan lokal na biofuel sagkod sarong taon base sa rekomendasyon kan National Biofuels Board asin Department of Energy.
Sa presente, an gasolina asin diesel sa nacion an ay obligadong may halong bioethanol asin biodiesel, alagad pwedesir magpahalangkaw nin presyo pag mahal o kulang an supply kan biofuel.
An paramientras na suspensyon an piglalaomang makakatabang nganing mamantinir na kontrolado an presyo asin masierto an bastanteng suplay nin enerhiya.
