LEGAZPI CITY—Kadakol na namamanwaan sa Spain an nagselebrar makalihis na madaog an France sa iskor na 2-0 asin makalaog sa finals kan nagpapadagos na World Cup 2026.
Segun ki Teacher Jhoi, Bombo International News Correspondent sa Spain, sa intrevista kan Bombo Radyo Legazpi, napaka-supportive kan Spain partikularmente na sa Barcelona asin Madrid urog na tuyong may laban an saindang nacion.
Nagpaskil ini nin dakulang screen para sa pagdalan kan kawat na inatendiran kan kadakol na tawo magin kan mga kajovenesan.
Afuera man sa hiyawan naggamit pa an mga namamanwaan nin manlaen-laeng sound effects.
Huli sa kapangganahan, buhay na buhay an mga restaurants magin an mga Pilipinong kadaklan digdi nagtatrabaho huli sa dakula man suboot an tip na ipigtao sainda.
Mientrastanto, kumpiyansa man si Teacher Jhoi na makukua kan Spain an kampeonato para sa FIFA World Cup 2026.
