LEGAZPI CITY – Tahasang pigtaram kan sarong political professor na an saiyang posisyon sana an pig-iisip ni Senate President Chiz Escudero mapadapit pagtukar kan impeachment articles ni Vice President Sara Duterte.
Segun ki UST Manila Department of Political Science professor Paul Francisco sa intrevista kan Bombo Radyo Legazpi na huli ta gare kaini pigkakawatan an orolay asin dae pig-papairal an due process.
Nagluluwas man na bako seryoso an nagkapirang senador sa saindang trabaho huli ta nahiling an iba na dae ini nagsulot kan saindang mga robe nganing manumpa bilang senator judges.
Enot na suboot ining na-delay huli ta kun magigirumduman na dapat kan Hunyo 2 pa isinagibo an pag convene kan senado bilang impeachment court asin ngonian na ibinalik na naman sa kongreso an articles of impeachment na nagin kawsa na naman kan panibagong delay.
Namumundo man an nasabing Political Professor huli ta dapat dae ini pig-dedelayed asin digdi nakasalalay an hustisya bako sana sa taumbayan kundi pati man sa lado kan Bise Presidente.
Sa piggigibo suboot kan senado ngonian mapadapit sa impeachment trial an garing pinagkakaitan an taumbayan nganing maaraman kun anong proseso kaini asin magkakaigwa ini nin bentahe para kay VP Sara huli ta madadangog digdi an depensa kan mag-inibong na lado.
Pigpunto niya man pareho man sana an trabaho kan kongreso asin senado kun kaya bako applicable an pagbabalik kan impeachment articles huli ta dae dapat pigtuturing kan senado na mas hibaba kaysa sainda an House of Representative.
Paglilinaw man ni Francisco na pwedesir na magbalyo hale sa 19th congress pasiring sa 20th congress an orolay mapadapit sa impeachment ni Vice President Sara Duterte huli sa ginibong aksyon kan senado.
