LEGAZPI CITY- Kumpiyansa si Presidential Adviser on Bicol Affairs Undersecretary Marbel Clavecilla na padiit-diit nang maibubusol an pagpapagayon kan railway system puon sa Manila pasiring sa provincia kan Sorsogon.
Magigirumduman na parte an nasabing proyekto kan “Build. Build. Build” infrastructure program sa lindong kan liderato ni Presidente Rodrigo Duterte.
Sa ekslusibong intrevista kan Bombo Radyo Legazpi ki Usec. Clavecilla, nagpuon na an pakikipag-meeting kan mga personahes sa mga concerned agencies para sa South Railways Project.
Piglalaoman naman ni Clavecilla an kasimbagan sa maabot na semana katakod kan ipinadarang surat sa Philippine National Railways (PNR) commissioner.
Nagtutubod man an opisyal sa upgrading sa economic development na maihahatod kan nasabing proyekto en kaso marealisar na urog na nahuhudyan na suboot ini sa mga pagtaraid na rehiyon.
Mientras tanto, pighahalat na sana ngonian an magigin feedback tangarig na maibusol na an konkretong timetable para digdi.
