South Korean actress Kim Sae-ron nadukayang wara nang buhay sa saiyang apartment

Namaaram na an South Korean actress na si Kim Sae-ron.

An 24-anyos na aktres na kamakailan nagluwas sa sarong series na “Bloodhounds” an nadakuyang wara na nin buhay sa saiyang apartment sa Seongdong-gu, Seoul.

Nadukayan an lawas ni Kim kan saiyang barkada,na tulos na nag-apod sa mga otoridad.

Pigsierto kan kapulisan na warang palatandaan nin break in asin padagos sindang nagsasagibo nin imbestigasyon para mamidbid an kawsa kan saiyang pagkagadan.

Ipinangaki kan 2000, nagpuon si Kim bilang aktres kan 2009, na nagtaong dalan sa aktres kan saiyang karera sa industriya.

Marikas ining nagsikat huli sa makolor na papel niya sa pelikulang “The Man from Nowhere” (2010) asin nakakakilabot na “The Neighbor” (2012).

An pinakahuring proyekto kaini an ”Bloodhounds” na ipinalabas kan 2023. Siring man nagpundo an saiyang karera sa pag-arte kan mangyari an sarong car accident kan Mayo 2022. Dakula an epekto kan insidente asin naghampang siya sa mga legal action.

Mantang kan Abril 2023, pinabayad si Sae-ron kan korte nin multa na 20 million won o $13,850 na nagmarka sa aktres kan pagpundo kan saiyang karera.