Nakasalbar si South Korean President Yoon Suk Yeol sa impeachment kontra saiya makalihis dae makakuwa nin bastanteng boto ngani na mapatalsik sa posisyon.
Marurumduman na nag-ugat an gabos kan magdeklarar ini nin martial law, na tulos man na binawi makalihis an nagkapirang oras.
An opposition party an nagproponir kan nasabing mosyon para sa impeachment, na nangaipo nin two thirds nin boto ngani na maipasar, alagad na-boycott ini kan partido ni Yoon na People Power Party.
Inanunsyar ni National Assembly speaker Woo Won-shik na bako valid an botohan makalihis dae maabot an two-thirds kan mayorya.
Pighayag kan People Power Party na hinarang ninda an impeachment ngani na maibitaran an mas malalang kariribukan asin tinawan duon an pagresolbar sa krisis sa mas matrangkilong paagi.
Huli sa nasabing desisyon, nadisganar man an mga namamanwaan na nagsasagibo nin protesta ngani na ipangapudan an pagpapatalsok ki Yoon.
