Nagtetenir na nakabantay an South Korea makalihis an panibagong pagpapalayog nin ballistic missiles kan North Korea.
Segun sa Joint Chiefs of Staff kan South Korea na nagpalayog liwat an North Korea nin ballistic missiles pasiring sa East Sea o bisto bilang Sea of Japan.
Padagos man an koordinasyon kan South Korea sa mga otoridad sa Estados Unidos asin Japan kasunod kan lakdang kan North Korea.
An missile an naglayog sa 400 kilometers an langkaw na ipiglansar sa Sariwon area na madudukatan sa timog na parte kan Pyongyang.
Marurumduman na kan nakalihis na semana, ipig-oorgulyo kan North Korea an matrayumpong pagpapalayog kan Hwasong-19 Intercontinental Ballistic Missiles na ipigkokunsiderar nindang pinakamakusog sa bilog na kinaban.
