Nagpromesa si South Korean President Yoon Suk Yeol na ipaglalaban an saiyang political future makalihis ma-impeach kasunod kan pagboto kan parliament na pigpapangenotan kan oposisyon.
An impeachment ki Yoon an nag-ugat sa pagdedeklarar kaini nin martial law, na tulos man na binawi makalihis an nagkapirang oras.
Madesisyon man an Constitutional Court kun dagos na hahalion sa pwesto si Yoon sa masunod na anom na bulan.
Magtetenir si Yoon sa pwesto alagad suspendido an poder kaini bilang presidente.
Enkasong mapatalsik sa posisyon, magkokundusir man nin snap election sa nasabing nacion.
Si Yoon an ika-duwang magkasundo na presidente na na-impeach sa South Korea kasunod ni Park Geun-hye na napahali sa pwesto kan 2017.
Si Prime Minister Han Duck-soo an na-appoint na magin acting president kan nacion.
