Nagsunad si Senate Minority Leader Vicente “Tito” Sotto III nin sarong propwestong obhetong obligaron an mga employer sa pribadong sektor na pagkalooban an saindang mga empleyado nin 14th month pay, afuera sa nag-iiral na 13th month pay.
Sabi ni Sotto, dakula an maitatabang kaini nganing mapagian an pasanin kan mga obrero sa saindang pang-uro aldaw na gastuson, kaiba an gastos sa pagpapaadal kan saindang mga aki.
Nagin ley an Presidential Decree No. 851 kan 1976, kun saen gabos nin employers an pig-obligar magbarewas nin 13th month pay sa saindang mga empleyado.
Sa irarom kan propwesto, itatao an 13th month pay sa Hunyo 14 nganing matabangan an mga obrero sa saindang education expenses para sa saindang mga aki, mantang an 14th month pay man an ipagkakaloob na dae malagpas nin Disyembre 24 para sa saindang paggastos sa holiday.
Sakop kan propwestong ley an gabos nin non-government rank-and-file employees, mga obrero sa irarom kan Kasambahay Law, asin iba pang may direchos sa 13th monthly pay, sa kondisyon na nagtatrabaho sinda maski sarong bulan sana sa laog nin sarong taon.
Dae man kaiba digdi an mga nadidificilang kumpanya, non-profit institutions na nalulugi, asin mga employer na nagtao nin 14th month pay o katumpad kaini.
