LEGAZPI CITY-Inaprobaran na ni Senate President Vicente ‘Tito’ Sotto III an pagpapaluwas kan subpoenas para sa nagkapirang indibidwal na pigimbitaran na maatendir sa na Senate Blue Ribbon Committee hearing sa Enero 19.
Kabale sa mga pigimbitaran si dating Department of Public Works and Highways Secretary Manuel Bonoan, dating AKO Bicol Party-list Representatives Zaldy Co, dating DPWH Undersecretary Tygve Olaiva, negosyanteng si Maynard Ngu asin Commission on Audit Commissioner Mario Lipana.
Liwat na mapoon an pagdangog sa anomalya sa mga flood control projects sa nacion sa aldaw nin Lunes.
An mga dai maatendir, mapipiritan an Senado na sinda tulos na arestuhon.
