Pabor si Senate Minority Leader Vicente Sotto III na magsagibo nin random drug testing an mga personahes kan Senado nganing masiertong drug-free an institusyon.
Segun ki Sotto na kan siya an Senate President kan 18th Congress, ipinaotob niya an program alagad kan natapos an saiyang termino, nawara na man ini.
Ginibo ni Sotto an suhestyon sa tahaw kan imbestigasyon sa sarong staff ni Senador Robin Padilla na pigsususpetsaran na naggagamit nin marijuana sa laog kan edificio kan senador.
Sa irarom kan Republic Act No. 9165 o an Comprehensive Dangerous Drugs Act of 2002, pwedesir isairarom sa drug testing an mga empleyado kan gobyerno bilang parte kan workplace safety protocols.
Kan 2018, sa irarom kan liderato ni Sotto, 300 personahes kan Senado an nagsairarom sa random drug test asin gabos nagnegatibo.
Nagboluntad man kaito sa drug testing an anom na senador, kaiba si Sotto, asin gabos an nagnegatibo man.
