LEGAZPI CITY—Panibagong milestone an naguno kan Sorsogon State University (SorSU) makalihis na makabale ini sa Times Higher Education (THE) Sustainability Impact Ratings 2026, kun sain nakakua ini nin overall score na 64.9 out of 100 asin nasa 600-800 ranking sa 1,603 na mga institusyon na nagpartisipar sa bilog na kinaban.
Segun ki SorSU President III Dr. Geraldine F. De Jesus, sa intrevista kan Bombo Radyo Legazpi, ini an saindang ikaduwang beses na nakabale digdi kun sain enot na sindang nakalaog sa top 1000; asin sa ngunyan ipig-target ninda na makabale sa top 800.
Maogma siya na nakabale an unibersidad sa asin sa presente man an nakakaresibe sinda nin mga oportunidad sa bilog na kinaban.
Nagpasalamat man an opisyal sa mga estudyante, stakeholders, researchers na nagtabang nganing maguno an siring na honra.
Mawot man ni De Jesus na maipadagos an saindang napuonan asin kun may ibang bagay man na pwedesir mapauswag an willing man sindang gobohon ini.
