LEGAZPI CITY- Nakahanda na an security measures na ilalatag kan mga kapulisan sa Sorsogon katakod kan paparaning Kasanggayahan festival.
Segun ki Sorsogon Police Provincial Office Spokesperson Police Major Arwin Destacamento sa intrevista kan Bombo Radyo Legazpi na nagkaigwa na nin serye nin mga meetings kaibanan an manlain lain na mga ahensya de gobierno ngani na masierto na mamamantenir an paz y oden sa bilog na durasyon kan aktibidad.
Napag-araman na dakol na mga darakulang aktibidad an nakalinyada kaya pinaglalaoman an pagdagsa kan mga turista asin mga bisita na makikiugma sa mga programa.
Inasegurar man kan opisyal na maglalatag man nin bastanteng mga personahe para sa pagtatao nin medikal na asistensya kun kinakaipuhan kan publiko.
Mientras tanto, nagpagirumdom man si Destacamento sa mga maatendir sa nasabing aktibidad na magin vigilante ngani na dae mabiktima nin mga suspek sa anuman na klase nin kriminalidad.
