Legazpi City- Nagsagibo nin sarong relief operation an Sorsogon Police Provincial Office sa banwaan kan Bulan.
Sa intrevista kan Bombo Radyo Legazpi kay PMaj. Arwin Destacamento, an tagapagtaram kan Sorsogon Police Provincial Office an relief operarion an obheto na makapagtao nin tabang sa mgaresidente na apektado kan labing pagbabaha sa Barangay Gate asin San Isidro, Bulan Sorsogon.
An Bulan an saro sana sa mga lugar na labing nakaranas nin pagbabaha asin epekto kan nakalihis na panrarapado ni Bagyong Kristine.
Maabot sa labi 300 na pamilya an natawanwan nin relief package na kumpwesto kan Bagas, mga delata asin iba pang mga grocery items.
Sa pagpasiring kan Sorsogon PPO sa duwang barangay nanutaran kan mga ini an naging epekto kan kalamidad.
Dugang pa kan opisyal na apwera sa Bulan posible pa na sa mga masunod na aldaw makaresibe pa nin tabang an iba pang banwaan sa Sorsogon na naapektaran ni “KRISTINE”.
