LEGAZPI CITY- Naka alerto ngunyan an mga otoridad sa pagbabantay sa seguridad kan publiko katakod kan nagdadangadang na holiday season.
Segun ki Sorsogon City Police Provincial Office Spokesperson Police Major Arwin Destacamento sa intrevista kan Bombo Radyo Legazpi na naglatag na nin mga police asssistance desk sa mga matatawong lugar ngani na madaling makapag respunde kun kinakaipuhan kan publiko.
Magin an mga pantalan sa provincia an mahigot man na pigbabantayan ngani na maasegurar an paz y orden.
Sa presente, wara man suboot na problema sa mga pantalan partikular na sa Matnog port huli ta matanos man an magigin biyahe sa tahaw kan pagruso kan mga pasahero ngunyan na holiday season.
Napag-araman na katabang man kan mga kapulisan sa pagtataong asistensya sa mga biyahero an mga personahe hali sa iba pang mga ahensya.
