LEGAZPI CITY- Ipinagpapasalamat kan mga otoridad sa provincia kan Sorsogon na dae marhay nagdara nin dakulang distroso an bagyong Enteng sa lugar.
Segun ki Sorsogon Police Provincial Office Spokesperson Police Major Arwin Destacamento sa intrevista kan Bombo Radyo Legazpi na nakapagrehistro man nin mga pagbaha sa nagkapirang mga banwaan alagad minimal man sana suboot ini asin marikas na nagin passable.
Marurumduman na saro an mga kapulisan sa mga nagresponde sa pagtabang sa mga apektadong residente sa pangengenot kan Sorsogon Provincial Disaster Risk Reduction and Management Office.
Sinabi pa kan opisyal na wara man nin mga nairehistrong nairido o nawawara huli sa nasabing raot nin panahon.
Segun ki Destacamento na kaibanan sa mga pinaka tinutukan ninda an mga nairehistrong stranded na pasahero, na tulos man na nakabalik sa biyahe makalihis na humupa an epekto kan bagyo.
