LEGAZPI CITY-Pigkakahaditan kan mga otoridad na mahaluan nin militanteng grupo an mga magsasagibo nin protesta sa probinsya.
Katakod ini kan isasagibong protest asin peaceful rally kasabay kan selebrasyon kan ika-40 anibersaryo kan Edsa People Power Revolution sa Pebrero 25.
Segun kay Sorsogon Police Provincial Office Spokesperson Major Arwin Destacamento sa intrevista kan Bombo Radyo Legazpi, dai ninda pighahale an posibilidad na mahaluan kan militanteng grupo kun sain iba an saindang mga interpretasyon asin difisil an magkaigwa nin kariribukan.
Sa presente, wara man sindang nanonotaran na siring kaini huli ta poon 2016 pa kan huri ining nangyari sa provincia.
Pangapudan ni Destacamento sa mga grupo na ma-rallly, na makipag-closed coordinate sa Philippine National Police, iba pang ahensya, asin mga LGU’s ngani magin magayon an resulta kan saindang aktibidad.
Siring man sa mga maatendir na kun maluwas kan saindang mga sentimiento, ipaagi ini sa pangadyi asin pag-martsa.
