LEGAZPI CITY—Preparado na an personahes kan Sorsogon PNP sa pag-asigurar kan matoninong asin maayos na selebrasyon kan Kasanggayahan Festival 2025 sa provincia.
Segun ki Sorsogon Police Provincial Office Public Information Officer Police Information Officer, Police Major Arwin Destacamento, sa intrevista kan Bombo Radyo Legazpi, napag-ulayan sa ikinundusir na coordinating conference katakod kan preparasyon sa kapistahan an sa kun pano ide-deploy an saindang mga kapulisan asin iba pang personahes gikan sa ibang ahensya nganing masierto an seguridad sa nasabing aktibidad.
Nakatalaang mapuon an kapistahan puon Oktubre 15 sagkod Oktubre 18, 2025.
Dugang ni Destacamento na ima-maximize ninda an mga ide-deploy na mga kapulisan sa nasabing kapistahan.
Ipig-engganyar man kan opisyal na makisumaro sa kapistahan asin saiya man na pig-asigurar na ligtas an mga ini durante kan mga aktibidades kan Kasanggayahan Festival 2025.
