LEGAZPI CITY- Nangenot an Sorsogon Police Provincial Office sa isinagibong unit performance evaluation rating sa hudyan na quarter kan taong 2017 sa bilog na rehiyon kan Bicol.
Nakua kan police command an rank number 1 sa unit performance evaluation rating nase naman sa assessment kan Police Regional Office 5.
Segun ki Sorsogon PNP Provincial Director PS/Supt. Marlon Tejada, resulta suboot kan dedikasyon kan mga kababaihan asin kalalakihan kan command an nasabing trayumpo kaya dakula an pasasalamat sa mga force commanders kan 1st asin 2nd PNP Provincial Mobile Force Companies siring man sa mga hepe kan sarong city asin 14 na municipal police stations kan provincia.
Dae man kaini nalingawan na pasalamatan ang suporta kan komunidad sa organisasyon magin sa mga ipig-iimplementar na programa.
Magigirumduman na enot nang nakua kan Sorsogon PNP an number 1 spot kaitong 3rd quarter kan kaparehong taon puon kan mag-assume an nasabing provincial director.
Nagsisirbe suboot na inspirasyon an magkasunod na achievement para sa mga masunod pang accomplishments sa nasabing provincial police command.
