LEGAZPI CITY- Naghahanda na an provincia kan Sorsogon sa posibleng pagruso kan mga turista ngunyan na Semana Santa.
Segun ki Sorsogon Supervising Tourism Operations Officer Bobby Gigantone sa intrevista kan Bombo Radyo Legazpi na nakalatag na man an mga security asin safety plan para sa nasabing obserbasyon.
Kaibanan sa mga pinaglalaoman na dadagsaon an faith tourism urog na an station of the cross sa banwaan kan Casiguran.
Katakod kaini, nangapudan an opisyal sa mga mabisita na magparehistro na ngani na ma-monitor man asin mas mapaghandaan pa kan lokal na gobierno an saindang pag-abot.
Segun ki Gigantone na pinaglalaoman an dakol na tourist arrival huli sa magayon na sitwasyon kan panahon ngunyan na Semana Santa.
