LEGAZPI CITY – Sasabayan nin hiro protesta kan Bayan Bicol an nakatalaan na ikaduwang State of the Nation Address ni Pres. Rodrigo Duterte.
Ini an pigbuyagyag ni Fred Mansos sa intrevista kan Bombo Radyo Legazpi.
Segun digdi, dakol sindang dapat na singilon sa chief executive katakod kan mga nagpalyar na promesa kaini.
Namumundo man suboot an saindang grupo huli ta sa kadaklan kan saindang ipigpresentar na mga propuesto ni Presidente Duterte pinagpasipara sana an mga ini.
Segun ki Mansos, an saindang ipiglatag na punto an makakatabang kuta sa pagtatao nin kabuluhan sa nasyon.
Tinuyaw man kaini an komon na paggamit kan presidente sa pagdedeklarar nin martial law bilang panakot sa mga Pilipino kun kaya inapod kaini na mas malala pa an presenteng administrastyon sa mga nakalihis na presidente kan nasyon.
Mientras tanto, nagpahayag man nin pagkahandal an grupo sa posibleng pagputol kan pag-oolay na pangkatoninongan kun madagit na naman an presidente huli sa mga salang impormasyon na ipigpapaabot saiya.
