Nagrehistro an South Korea nin pinakahalangkaw na temperatura sa kasaysayan makalihis mag-abot sa labi 41 degrees Celsius an ini huli kan matinding heatwave.
Segun sa Korea Meteorological Administration (KMA), nalampasan kaini an dating national record na 41.0 degrees Celsius na nairehistro kan 2018.
Tulong magkakasunod na aldaw kan naglalagpas sa 40 degrees Celsius ang temperatura sa Yangsan huli sa matinding heatwave na nararanasan sa dakulang parte kan nacion.
Huli digdi, itinaas kan Korea Meteorological Administration an pinakahalangkaw na antas kan heatwave warning sa pirang lugar sa South Gyeongsang Province, mantang nagtitinir man an mga patanid sa bilig na nacion.
Nabatid na an matinding init an kawsa kan pagsabay kan North Pacific High asin Tibetan High pressure systems, na nagkukulong sa mainit na paros asin nagpupugol sa pagbilog nin mga ulap.
Mientrastanto, padagos man na binabantayan kan mga awtoridad ang Typhoon Dolphin, na pwedesir makaapektar sa kamugtakan kan panahon sa masunod na semana, mantang dae pa sierto kun mababawasan kaini an namamateang matinding init sa nacion.
