LEGAZPI CITY-Pighabuan ni Department of Justice Secretary Jesus Crispin Remulla na magkomento mapadapit sa nagin reaksiyon nin dating Presidente Rodrigo Roa Duterte sa isyu kan mga nawawarang sabungero.
Kan hinapot an nasambitang kalihim kung ano an saiyang masasabi sa pighayag kan dating presidente, sinabi kaini na ‘no comment’.
Makalihis ini kan bansagan ni dating President Duterte na ‘preposterous’ o kalokohan sana an koneksyon kan ‘drug war’ sa pagkawara kan mga nawawarang sabungero.
Sa presente, base sa mga pighayag Justice Secretary Remulla, nahilingan suboot ini nin koneksyon mapadapit sa isyu kan e-sabong sa naganap na ‘war on drugs’.
Maski pa an sentro kan inilunsar na imbestigasyon na nakatuon sa mga nawawarang sabungerom, na suboot posibleng may ‘intersection’ an duwang isyu.
Mantang nagpapadagos an pagrekober kan mga bangkay sa Batangas ngani maisairaom sa mga pagbusisi.
Sinabi man pa ni Secretary Remulla na dai dapat ipagsawarang bahala an ibang kaso kan mga disappearances bukod pa sa isyu kan mga nawawarang sabungero.
