LEGAZPI CITY — Ma-ooctaba suboot an pagbubukas kan bunuan o slaughterhouse sa Barangay San Roque sa ciudad kan Legazpi huli sa dae pa nakakabitan nin kuryente an edificio.
Segun ki Kapitan Joselito Martinez, energization na sana an kulang sa lugar ngane na magamit an mga bagong makina asin maging operational na.
Nagkaproblema kaya sa pagkaag nin kuryente huli sa habo suboot kan Albay Power and Energy Corp. (APEC) na magkaag nin poste alagad kun an contractor man an makaag magkakaigwa nin problema sa barangay kun saen posibleng 24 oras na blackout kada semana an mangyari.
Nagsasagibo naman nin lakdang si Kapitan Martinez tangarig madagos na an operasyon kan slaughterhouse kun saen pig-iisipan na sa underground ikaag an kable kan kuryente.
Dugang pa kan opsiyal, dae man magkakaproblema sa parong o ati kan mga bubunuon huli ta vacuumed na suboot an gigibuhon digdi o may makina na gagamiton.
Oras na makagan na nin kuryente, maibubukas na an bunuan para sa ciudad kan Legazpi.
