LEGAZPI CITY—Maabot na sa kabilogang siyam na badil an nakumpiskar asin siyam na katawo an naarestar kan PNP Bicol makalihis an nagpapadagos na COMELEC gun ban sa bilog na nasyon.
Segun ki PRO 5 Regional Director Police Brigadier General Andre Dizon, sa intrevista kan Bombo Radyo Legazpi, kadaklan sa mga nagbayolar sa nasambit na gun ban an mga motorista.
Wara pa man nin nairerehistrong untoward incidents sa pagkundusir nin Comelec gun ban checkpoints sa rehiyon.
Dugang ni Dizon na igwa na man nin 107 na deposited na assorted short and long firearms an sainda pang nairehistro.
Kun saen pig-eksplikar kan opisyal na kun an sarong badil na nag-expire na an lisensya asin nag-expire na an license to own and possess firearms kan tagsadiri, kaipuhan na ining i-turn in sa kustodiya kan pulis, asin tatawan man nin resibo na may kasiguraduhan na may dokumento na itinurn-over.
Dugang digdi na pwedesir man na i-turn over an badil maski bako pa ini expire.
