LEGAZPI CITY- Regular an pigigibong monitoring kan mga otoridad sa Mayon unit area urog na ngunyan na nakaka eksperyensya nin mga pag-uran an probincia kan Albay.
Segun ki Albay Public Safety and Emergency Management Office officer in charge Eugene Escobar sa intrevista kan Bombo Radyo Legazpi na dae man nakaabot sa threshold an mga pag-uran na pwedesir na magkawsa nin pagdausdos kan lahar.
Pinawi man kan opisyal an pagkahadit kan publiko sa mga nairerehistro rockfall events sa Mayon volcano huli ta normal sana suboot an nasabing mga sitwasyon urog pang katatapos pa sana kan eruption kan bulkan.
Sa ibong kaini, pinayuhan man ni Escobar an publiko na maglikay man liwat sa paglaog sa 6km permanent radius danger zone kan bulkan.
Partikular na pigpapa alerto an mga lokal na paraoma na nagtatanom harani sa pamitisan kan Mayon volcano.
