LEGAZPI CITY- Pinag-aantisiparan na magkakaigwa nin paglangkaw sa singil kan kuryente sa provincia kan Albay ngunyan na bulan nin Mayo.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na tuyong panahon kan tag-init nagkakaigwa nin paglangkaw sa power rate.
Para sa mainland residential nasa 9.3713 kada kilowatt an magigin rate mantang 8.3909 an magigin rate sa low voltage asin 7.0862 kada kilowatt an magigin rate para sa high voltage.
Para man sa island residential nasa 11.0876 an magigin rate kada kilowatt mantang nasa 10.5190 man kada kilowatt para sa low voltage.
Katakod kaini, nangapudan nin pagsabot an ahensya sa mga miyembro-konsumidores huli ta pigtataparan sana suboot an gastos sa merkado para sa padagos na suplay kan kuryente sa provincia.
Mientras tanto, aminado man si Galero na igwang nagkapirang konsumidores an nagrereklamo huli sa low voltage asin sinabing normal sana ini urog na sa mga hararayong lugar sa provincia.
Sa ibong kaini, sinierto kan opisyal na padagos sindang nagigibo nin paagi ngani na maresolbaran an nasabing mga angat.
Kaibanan digdi an restoration kan nagkapirang mga ekipahe ngani na mapakinabangan na kan mga namamanwaan.
