LEGAZPI CITY- Nagkaigwa nin paglangkaw sa singil kan kuryente sa provincia kan Albay kan nakalihis na Disyembre 2024 na namatean na kan mga konsumidores.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na nasa 0.2303 an ipiglangkaw sa kada kilowatt sa mga residential asin low voltage consumers.
An high voltage consumers man an nagkaigwa nin paglangkaw na nasa 0.3540.
Paliwanag kan opisyal na an nasabing paghiro sa singil sa kuryente an para sana sa bulan nin Disyembre asin liwat na magpapaluwas nin bagong rate para ngunyan na Enero 2025.
Mientras tanto, nakatutok man ngunyan an Albay Electric Cooperative sa pagpapadagos kan mga programa kaini ngunyan na taon kaibanan na an mga subsidiary projects.
Naghahanda na man an korporasyon para sa nakatalaan na Anual general membership assembly.
