Binawian na nin buhay si Olivia Newton-John sa edad na 73-anyos sa Southern California.
Nabisto si Olivia sa biggest hits kan 1970s asin ’80s asin sa papel na ginampanan sa “Grease”, saro sa mga popular movie musicals sa saiyang era.
Co-star niya digdi an pamoso man na si John Travolta.
Mismong an agom kaining si John Easterling an nag-anunsyar kan mamundong bareta.
Makapirang beses man na nag-No. 1 sa hit chart an mga kanta ni Olivia kaibanan na an four records na napabakal sa labi two million copies an kada saro.
Nagkaigwa ini nin pitong Top 10 hits sa Billboard’s Country chart, kun sain duwa an nagin back-to-back overall No. 1 hits kan 1974 asin ’75.
Enot an “I Honestly Love You,” na sinurat kaibanan sinda Peter Allen asin Jeff Barry, kaibanan an “Have You Never Been Mellow”.
Nanggana man nin duwa sa apat na Grammy’s kaini an kantang “I Honestly Love You” kaibanan an record of the year asin best female pop vocal performance.
Kaibanan pa sa mga kanta kaini an “Hopelessly Devoted to You”, “Physical”, asin dakol na iba pa.
